Bakı Dövlət Universiteti rektorunun əmri ilə əməkdaşın işdən azad olunması barədə yayılan məlumat rəsmi şəkildə təkzib edilib. Bu barədə universitetin İctimaiyyətlə əlaqələr və informasiya şöbəsi məlumat verib.
Açıqlamada bildirilir ki, Məleykə Abbaszadə noyabrın 19-da universitet kollektivinə təqdim olunub və rektor vəzifəsinin icrasına başlayandan sonra heç bir əməkdaşın işdən azad olunması və ya təyinatı ilə bağlı əmr imzalamayıb.
Bəzi KİV-lərdə rektorun köməkçisi Nərmin Heydərlinin vəzifəsindən azad edildiyi barədə məlumatlar yayılsa da, universitet bununla bağlı hər hansı əmrin verilmədiyini bildirir.
Universitetin açıqlaması yayılan məlumatların həqiqətə uyğun olmadığını göstərir və mövzu ilə bağlı əlavə rəsmi məlumat lazım olduqda İctimaiyyətlə əlaqələr şöbəsi tərəfindən veriləcəyi qeyd olunub.
Mənbə: az.trend.az

