Bakı Metropoliteni QSC-nin məlumatına görə, Qırmızı xətdə qatarların hərəkətini tənzimləyən qurğuda qısamüddətli texniki xəta baş verib. Bu səbəbdən təhlükəsizliyi təmin edən mühafizə sistemi işə düşərək həmin xətt üzrə hərəkət ehtiyat sistem vasitəsilə tənzimlənib və yubanmalar yaranıb.
Mənbə bildirir ki, nasazlıq yalnız Qırmızı xəttə təsir edib; Yaşıl və Bənövşəyi xətlərdə qatarlar normal qrafik üzrə hərəkət edib.
Dərhal texniki baxış keçirilib, xəta müəyyən edilərək təxminən 5 dəqiqə ərzində aradan qaldırılıb.
Hazırda Qırmızı xətdə hərəkət pik saat intervalına uyğun təmin edilir.
Mənbə: az.trend.az

