Bakcell gənclərin texnoloji bacarıqlarının inkişafına yönəlmiş hakatonlar silsiləsini davam etdirib; bu dəfə tədbirdə Peerstack Academy tələbələri süni intellekt üzrə keçirilən hakatonda iştirak ediblər.
Hakaton çərçivəsində iştirakçılar telekommunikasiya sahəsi üçün süni intellekt dəstəkli məhsullar və prototiplər üzərində çalışıblar və müasir süni intellekt alətlərindən istifadə edərək ideyalarını praktik layihələrə çeviriblər.
Hazırlanan layihələr funksionallıq, texnoloji yanaşma, istifadəçi təcrübəsi və təqdimat meyarları əsasında qiymətləndirilib.
Tədbir zamanı gənclər komanda işi, problem həlletmə və yaradıcı düşünmə bacarıqlarını nümayiş etdiriblər.
Hakatonun sonunda fərqlənən komandalar Bakcell tərəfindən xüsusi hədiyyələrlə mükafatlandırılıb və şirkət bu cür təşəbbüslərlə gənc istedadların rəqəmsal bacarıqlarının gücləndirilməsinə dəstəyini davam etdirir.
Mənbə: az.trend.az

