Ağstafa rayonunun Çeyrançöl ərazisində 15 noyabr 2026-cı ildə partlamamış hərbi sursata müdaxilə nəticəsində partlayış baş verib. Məlumatı Daxili İşlər Nazirliyi, Baş Prokurorluq və Minatəmizləmə Agentliyinin (ANAMA) mətbuat xidmətləri yayıb.
Rəsmi açıqlamaya görə, partlayış zamanı Qazax rayonunun Dəmirçilər kənd sakini 1986-cı il təvəllüdlü İbrahimov Rəsul Şahin oğlu həlak olub, Qazax rayonunun Daşsalahlı kənd sakini 1982-ci il təvəllüdlü Əmrahov Sahib İzbor oğlu isə xəsarət alıb.
Hadisə ilə bağlı Ağstafa rayon prokurorluğunda araşdırma aparılır.
ANAMA, Daxili İşlər Nazirliyi və Baş Prokurorluq vətəndaşları təhlükəsizlik qaydalarına riayət etməyə, şübhəli əşyalara toxunmamağa və partlayıcı sursatlara müdaxilə etməməyə çağırıb.
Mənbə: az.trend.az

