Milli Məclisin deputatı Səyyad Aran parlamentin bugünkü plenar iclasında “Azərbaycan Respublikasının 2027-ci il dövlət büdcəsi haqqında” qanun layihəsinin birinci oxunuşu zamanı çıxış üçün qeydiyyata düşməkdə çətinlik çəkdiyini bildirib.
S.Aran çıxış üçün on nəfərlik siyahıya düşə bilməməsindən narahat olduğunu, həmkarı ilə eyni vaxtda qeydiyyat düyməsini basdıqlarını və nəticədə həmin həmkarın siyahıda ikinci, özünün isə 44-cü yerdə göstərildiyini söyləyib.
Milli Məclisin sədri Sahibə Qafarova isə deputatın dedikləri ilə razılaşmayaraq, qeyd edib ki, həmkarı deputatdan bir neçə saniyə əvvəl düyməni basıb.
Spiker deputatdan büdcə müzakirələrini bu cür formaya salmamağı xahiş edib və deputatların çıxış edib təkliflərini səsləndirdiklərini vurğulayıb.
Mənbə: az.trend.az

