Binəqədi rayonunda evdən 4 000 manat pulun oğurlanması hadisəsi qeydə alınıb. Daxili İşlər Nazirliyinin Mətbuat Xidməti məlumat verib ki, zərərçəkən avtomobil almaq üçün bankdan götürdüyü 4 000 manatı yaşadığı mənzilə gətirib, mənzil boş olduqda həmin vəsait oğurlanıb.
Polis əməkdaşlarının keçirdiyi tədbirlər nəticəsində hadisəni törətməkdə şübhəli bilinən şəxs zərərçəkənin köhnə tanışı N. Qədirli müəyyən edilərək saxlanılıb. Məlumatda saxlanılanın əvvəllər oğurluq cinayəti üzrə məhkum olunduğu bildirilib.
Faktla bağlı araşdırma aparılır; hüquq-mühafizə orqanları hadisəni dəqiqləşdirirlər.
Mənbə: az.trend.az

