Nazirlər Kabineti ümumi təhsil müəssisələrində psixoloq ştatının sayının müəyyən edilməsi haqda qərar verib.
“Rubin.az” xəbər verir ki, Baş Nazir Əli Əsədovun imzaladığı qərarda deyilir:
Dövlət və bələdiyyə ümumi təhsil müəssisələrində psixoloq ştatının sayı aşağıdakı kimi müəyyən edilsin:
şagird sayı 1000-dək olduqda, 1 vahid;
şagird sayı 1000-dən 3000-dək olduqda, 2 vahid;
şagird sayı 3000-dən çox olduqda, 3 vahid.
Özəl ümumi təhsil müəssisəsində psixoloq ştatının sayı həmin təhsil müəssisəsinin ali idarəetmə orqanı tərəfindən müəyyən olunur.
