Azərbaycan Respublikasının Prezidenti İlham Əliyev noyabrın 22-də ABŞ-ın daxili təhlükəsizlik naziri Markveyn Mullini qəbul edib.
Prezident İlham Əliyev Markveyn Mullinin yeni vəzifəsinə görə onu təbrik edib və bu ilin yanvarında senator kimi Azərbaycana səfərini xatırlayıb.
İlham Əliyev 2026-cı ilin Azərbaycan–ABŞ əlaqələri üçün tarixi əhəmiyyət kəsb etdiyini bildirib və ABŞ vitse-prezidentinin ölkəmizə səfəri zamanı “Azərbaycan Respublikası Hökuməti ilə Amerika Birləşmiş Ştatları Hökuməti arasında Strateji Tərəfdaşlıq Xartiyası”nın imzalanmasının münasibətlərin genişlənməsinə töhfə verdiyini qeyd edib.
Prezident İlham Əliyev Prezident Donald Trampın ikitərəfli münasibətlərin yüksəlməsində və regionda sülhün təmin edilməsində rolunu vurğulayıb və ölkənin ABŞ ilə əlaqələri inkişaf etdirməkdə maraqlı olduğunu bildirib.
ABŞ-ın daxili təhlükəsizlik naziri Markveyn Mullin Azərbaycanla Ermənistan arasında sülh gündəliyi ilə bağlı əldə olunmuş nəticələri təbrik edib, Prezident Donald Trampın rolunu qeyd edib və TRIPP layihəsinin bu dəhlizin tam işləməsinin regionlar arasında bağlantıların və iqtisadi-ticarət əlaqələrinin inkişafına töhfə verəcəyini vurğulayıb.
Görüşdə Azərbaycan–ABŞ əlaqələrinin perspektivləri və müxtəlifsəviyyəli qarşılıqlı səfərlərin əməkdaşlıq imkanlarını müzakirə etmək barədə fikir mübadiləsi aparılıb.
Mənbə: az.trend.az

