Azərkosmosun peyk müşahidələrinə əsasən, 2017–2025-ci illər ərzində Böyük Qafqazın Azərbaycan hissəsində buzlaqların sahəsi 9 faiz azalıb. Qusarçay hövzəsində 1890‑ci ildən aparılan ilkin rəsmi məlumatlar və son sahə müşahidələri ərimənin sürətləndiyini göstərib.
Qusarçay hövzəsində son 19 ildə aparılan ardıcıl tədqiqatlar qar örtüyünün su ehtiyatlarındakı payının azalması tendensiyasını üzə çıxarıb. Bu göstəricilər iqlim dəyişməsinin buzlaqlar və qar örtüyü üzərində təsirinin əyani göstəriciləridir.
Baş nazirin müavini Teymur Musayev tədbirdə Qafqaz dağlarının ölkə üçün həyati əhəmiyyətli su qüllələri olduğunu və buzlaqların sürətlə əriməsinin su təhlükəsizliyini təhdid etdiyini bildirib.
Musayev Azərbaycanın COP29 çərçivəsində dağlıq regionların problemlərini prioritetə çevirdiyini, Su üzrə COP29 Bəyannaməsi və Su üzrə Bakı Dialoqu kimi təşəbbüslərin qəbul edildiyini və dağ ekosistemlərinin qorunmasının qlobal müzakirə mövzusu olaraq irəli çəkildiyini söyləyib.
O həmçinin elmi müşahidə və monitorinqlərin vacibliyini, habelə iqlim maliyyələşməsi, erkən xəbərdarlıq sistemləri və peyk texnologiyalarının tətbiqinin zəruri olduğunu vurğulayıb və beynəlxalq əməkdaşlığa çağırıb.
Mənbə: az.trend.az