FINCA Azerbaijan 7 noyabr 2026-cı il tarixində Ağdaş şəhərində keçirilən II “Heyva Festivalı”nda iştirak edib. Festival Kənd Təsərrüfatı Nazirliyinin dəstəyi və Ağdaş Rayon İcra Hakimiyyətinin təşkilatçılığı ilə baş tutub və tədbirdə rayonun meyvəçilik ənənələri, milli-mədəni irsi və yerli məhsullar nümayiş olunub.
Festival çərçivəsində FINCA Azerbaijan-ın stendi ziyarətçilərə kredit məhsulları və maliyyələşmə imkanları barədə məlumat verilməsi üçün xidmət göstərib. FINCA əməkdaşları məhsulların şərtləri və müraciət qaydalarını izah edib və ziyarətçilərin suallarını cavablandırıblar.
Tədbir FINCA üçün festival iştirakçıları və mövcud müştərilərlə ünsiyyət qurmaq, onların fikirlərini dinləmək və ehtiyaclarını öyrənmək imkanı yaradıb.
FINCA Azerbaijan yerli istehsalçıları, fermerləri və sahibkarları bir araya gətirən belə tədbirləri yerli məhsulların tanıdılması və sahibkarların yeni əlaqələr qurması baxımından yüksək qiymətləndirir.
1998-ci ildə təsis edilmiş FINCA Azerbaijan ölkədə mikromaliyyə xidmətləri göstərən bank olmayan kredit təşkilatıdır və beynəlxalq FINCA Impact Finance şəbəkəsinin bir hissəsidir.
Mənbə: az.trend.az