Mərkəzi Bankın sədri Taleh Kazımovun imzaladığı qərar noyabrın 10-da qüvvəyə minib və istehlak kreditində zaminlik üçün yeni limit müəyyən edir.
Qərara əsasən, istehlak kreditinə təminat qismində zamin olan şəxsin borcun gəlirlərə nisbəti (BGN əmsalı) 70 faizi keçə bilməz.
Bu o deməkdir ki, zaminin aylıq borc ödənişləri onun aylıq gəlirlərinin 70 faizindən artıq olduqda həmin şəxs zamin kimi çıxış edə bilməyəcək.
Tələb noyabrın 10-dan sonra yaranmış kredit müraciətlərinə tətbiq edilir.
Hesablama zamanı zaminin digər kredit təşkilatları qarşısındakı öhdəlikləri nəzərə alınır; müəyyən təminatlarla təmin edilmiş kredit xətləri istisna edilir.
Mənbədə bildirilir ki, borcalanın vergidən sonra xalis gəlirlərinin beş mislindən artıq sərbəst limitə malik istehlak kreditlərinin məcmu həcmi bankın I dərəcəli kapitalının 1 faizindən çox olmamalıdır.
Mənbə: az.trend.az