Türkiyənin Prezident Administrasiyasının Dezinformasiya ilə Mübarizə Mərkəzi İstanbulun Şişli rayonundakı Heydər Əliyev parkı və oradakı büstün götürüləcəyi, parkın sökülərək yerində mədəniyyət mərkəzi tikiləcəyi barədə iddiaları təkzib edib.
Paylaşımda bildirilir ki, Şişli Bələdiyyəsinin sözügedən ərazi ilə bağlı hər hansı iş apardığı və belə bir layihənin gündəmdə olduğu barədə məlumatlar əsassızdır.
Mənbə iki dost və qardaş ölkə arasındakı münasibətləri hədəf alan, ictimaiyyəti çaşdırmağa yönəlmiş təxribat və dezinformasiya xarakterli iddialara inanılmaması barədə xəbərdarlıq edib.
Mənbə: az.trend.az