Azərbaycan Ordusunda kompüter dəstəkli komanda-qərargah təlimi 2026-cı ilin hazırlıq planına əsasən keçirilir. Təlimə Müdafiə Nazirliyinin baş idarə və idarələri, qoşun və qüvvə növləri, eləcə də Əlahiddə Ümumqoşun Ordunun qərargahları cəlb edilib.
Təlim çərçivəsində hərbi qərar qəbuletmə prosesinə uyğun fəaliyyətlər icra olunur və məşqlər simulyatorlar üzərində bölmələrin imkan və qabiliyyətlərinin yoxlanması və komandir heyətinin qərar qəbuletmə bacarıqlarının təkmilləşdirilməsi məqsədilə təşkil olunub.
Noyabrın 3-də müdafiə naziri Zakir Həsənov qərargahların məruzələrini videobağlantı formatında dinləyib.
Nazir Prezident İlham Əliyevin Azərbaycan Ordusunun fəaliyyətindən razılığını bildirdiyini və ordu qarşısında qoyulan tapşırıqları çatdırdığını nazirliyin mətbuat xidməti xəbər verib.
Rəsmi məlumata görə, təlimlər müasir hərbi təhdidlər nəzərə alınaraq keçirilir və simulyasiya əsasında komanda-qərargah işinin səmərəliliyinin artırılması hədəflənib.
Mənbə: az.trend.az