Fövqəladə Hallar Nazirliyinin “112” qaynar telefonuna Lənkəran–Astara magistral yolunun 154–155-ci kilometrliyində yol-nəqliyyat qəzası barədə məlumat daxil olub və hadisə yerinə FHN-in Cənub Regional Mərkəzinin xilasediciləri cəlb edilib.
Hadisə zamanı “Mercedes Vito” markalı mikroavtobus arxadan yük avtomobilinə çırpılıb. Qəza nəticəsində avtomobildə sıxılmış şəxslərin meyitləri və xəsarət alan sərnişin çıxarılıb.
Xilasedicilər avtomobildə sıxılmış vəziyyətdə olan 1961-ci il təvəllüdlü Ağayeva Gülnaz Yusub qızının və 1997-ci il təvəllüdlü Nəsirov Zaman Tərlan oğlunun meyitlərini çıxararaq aidiyyəti üzrə təhvil veriblər.
Qəza nəticəsində xəsarət alan 1978-ci il təvəllüdlü Gülnarə Süleyman qızı Hüseynovanın reanimasiya şöbəsinə yerləşdirildiyi və vəziyyətinin ağır olduğu bildirilir.
Məlumatda mikroavtobusun sürücüsünün Şıxakəran kənd sakini 1984-cü il təvəllüdlü Amid Əhməd oğlu Məmmədov olduğu və yük avtomobilinin sürücüsünün İran İİR-in Astara şəhər sakini Aydın Riyazi olduğu qeyd olunub.
Hadisə ilə bağlı müvafiq qurumlar — FHN və polis tərəfindən araşdırma aparılır; sürücülərə yol və hava şəraitini nəzərə alaraq təhlükəsizlik qaydalarına riayət etmələri xahiş olunur.
Mənbə: apa.az
