Rusiya Ordusu Ukraynanın Volın vilayətində, Polşa sərhədindən təxminən 2 kilometr məsafədə sərnişin qatarının lokomotivinə zərbə endirib. Ukrzaliznıtsya bildirib ki, monitorinq qrupu qatar briqadasını əvvəlcədən xəbərdar edib və nəticədə heç kim xəsarət almayıb.
Eyni rayonun Polşa sərhədi yaxınlığındakı “Yaqodin” sərhəd-keçid məntəqəsinin yaxınlığındakı yanacaqdoldurma məntəqəsinə və yaxınlıqda dayanan yük avtomobillərinə zərbə endirilib. Ukrayna mediası və yerli mənbələr yanacaqdoldurma məntəqəsi və bir neçə yük avtomobilinin yandığını, görüntülərdə genişmiqyaslı yanğının əks olunduğunu xəbər veriblər.
“Yaqodin” sərhəd-keçid məntəqəsinin Volın vilayətinin Kovel rayonunun Starovoytovo kəndi yaxınlığında, Polşa tərəfində isə Doroqusk yaşayış məntəqəsi yaxınlığında yerləşdiyi qeyd edilir. Bu məntəqə Ukrayna ilə Polşa arasında əsas avtomobil keçidlərindən biridir.
Hadisə ilə bağlı rəsmi mənbələrdən və əlavə təsdiqlənmiş məlumatlardan gələn digər təfərrüatlar hələ açıqlanmamış qalır.
Mənbə: apa.az
