Türkiyənin xarici işlər naziri Hakan Fidan sentyabrın 11-də Səudiyyə Ərəbistanının xarici işlər naziri Feysəl bin Fərhan Əl Səudla telefon danışığı aparıb. Bu barədə TASS-a Türkiyə Xarici İşlər Nazirliyindəki mənbə məlumat verib.
Mənbəyə görə, danışıq zamanı regionda baş verən son hadisələr və Səudiyyə Ərəbistanına qarşı son hücumlar müzakirə olunub.
Sentyabrın 8-də Səudiyyə Ərəbistanının SPA agentliyi bildirib ki, Yəməndəki husilərin krallığın bir sıra yaşayış məntəqələrinə hücumları nəticəsində qadın və uşaqlar da daxil olmaqla 73 nəfər xəsarət alıb.
Məlumata görə, Əbha, Cizan, Nəcran və Xamis-Müşeyt şəhərlərində mülki və iqtisadi obyektlər hücuma məruz qalıb.
Mənbə: apa.az
