Kürdəmirdə xəsarət alan piyadaların adı məlum olub.
APA-nın yerli bürosunun xəbərinə görə, bunlar Kürdəmir şəhər sakini, 1965-ci il təvəllüdlü Abdullayeva Şahnaz Babamkişi qızı, 2014-cü il təvəllüdlü Abdullayev Rafiq Rauf oğlu, rayonun Atakişili kənd sakinləri, 1986-cı il təvəllüdlü Əzizova Şairə Rafiq qızı və 2013-cü il təvəllüdlü Əzizova Yağmur Rəşad qızıdır.
***
22:36
Kürdəmirdə ağır yol-nəqliyyat hadisəsi olub, xəsarət alanlar var.
APA-nın yerli bürosunun xəbərinə görə, hadisə axşam saatlarında rayon ərazisində baş verib.
Belə ki, hərəkətdə olan minik avtomobili 4 nəfəri vurub. Zərərçəkənlər Kürdəmir Rayon Mərkəzi Xəstəxanasına yerləşdiriliblər.
Hadisə zamanı xəsarət alanların ikisinin azyaşlı olduğu bildirilir.
Faktla bağlı araşdırma aparılır.
