Qaradağ rayonunun Səngəçal–Çeyildağ avtomobil yolunun 13-cü kilometrində sel sularının təsiri nəticəsində dağılmış körpünün əvəzinə yeni, biraşırımlı körpü inşa edilib. İş Azərbaycan Avtomobil Yolları Dövlət Agentliyi tərəfindən həyata keçirilmişdir.
Köhnə körpü qurğusu yenisi ilə əvəz edilərək yolun həmin hissəsində nəqliyyat əlaqələri bərpa olunub və inşa olunan körpü avtomobil yolunun dayanıqlığının artırılmasına xidmət edir.
Agentlik bildirir ki, yeni körpünün tikintisi nəqliyyat vasitələrinin etibarlı və təhlükəsiz hərəkətinin təmin olunması məqsədini güdür.
Bu layihə selin yol infrastrukturlarına vurduğu ziyanın aradan qaldırılması istiqamətində yekunlaşdırılan bərpa işlərindən biridir. Bərpa-tikinti işləri Prezidentin müvafiq sərəncamına əsasən respublikanın müxtəlif bölgələrində də davam etdirilir.
Mənbə: az.trend.az