Prezident İlham Əliyevin 8 oktyabr 2024-cü ildə Moskva şəhərində keçirilən MDB Dövlət Başçıları Şurasının iclasında etdiyi çıxış Azərbaycanın regiondakı rolunu və müttəfiqlik strategiyasını geniş bir çərçivədə təqdim etdi. Prezident İlham Əliyevin detallı çıxışı Azərbaycanın MDB çərçivəsindəki mövqeyini ortaya qoydu.
Ölkə başçımız Rusiya ilə olan əlaqələrin müttəfiqlik siyasətinə dayandığını və əməkdaşlığın dərinləşdiyini qeyd etdi. Həm də bu müttəfiqlik regional münaqişələrin həllində mühüm rol oynadığınıda qeyd etdi.
Rusiya Prezidenti Vladimir Putinin Azərbaycana son səfəri iki dövlət arasındakı əməkdaşlığın daha da inkişaf etdiyini göstərir.
Laçın şəhərinin 2025-ci il MDB-nin mədəniyyət paytaxtı elan edilməsi, Azərbaycanın yenidən-qurma proseslərinin beynəlxalq səviyyədə tanınmasına zəmin yaradır. Prezident İlham Əliyevin Laçın şəhərinin uzun müddət Ermənistanın işğalı altında olmasını demək olar ki, tamamilə dağıdılmış bir bölgəyə çevrildiyini vurğulamışdı. Laçının MDB-nin mədəniyyət paytaxtı seçilməsi, regionda yeni həyatın başlayacağını simvollaşdırır.
Eyni zamanda, Azərbaycanda keçiriləcək III MDB oyunları, ölkənin idman infrastrukturunu inkişaf etdirmək və MDB ölkələri arasında idman əlaqələrini gücləndirməyə zəmin yaradacaq. Prezident İlham Əliyev bu idman oyunlarının müttəfiq dövlətlər arasında dostluq əlaqələrinin daha da güclənməsinə xidmət edəcəyini bildirdi.
Bununla yanaşı, Prezident İlham Əliyev ABŞ-ın Azərbaycana qarşı tətbiq etdiyi sanksiyalara toxundu və sanksiyaların ədalətsizliyini qətiyyətlə ifadə etdi. Hətta bu sanksiyaların 1992-ci ildən bəri tətbiq olunduğunu bildirdi.
Cənab Prezident İlham Əliyevin qətiyyətli nitqi onu göstərir ki, Azərbaycan öz siyasi xəttini özü çəkir, heç bir dövlətə hesab vermədən özü bəlirləyir. MDB ölkələri ilə əlaqə müasir dövrdəki regional çətinliklərə qarşı birgə mübarizə aparmaq üçün şərait yaradır.
Ayaz Hüseynov
Suraxanı rayonu, 315 nömrəli tam orta məktəbin tarix müəllimi
