Milli Məclisin sədr müavini, Gənclər və idman komitəsinin sədri Adil Əliyev Belarusiyada səfərdədir. Bu barədə vitse-spikerin “X” platformasında hesabında yazılıb. Belarus Respublikasının alman-faşist işğalçılarından azad olunmasının 80-ci ildönümünə həsr olunmuş tədbirdə iştirak etmək məqsədilə Minsk şəhərində səfərdə olan sədr müavini ölkəmizlə sağlam əməkdaşlıq münasibətlərində olan və rəsmi Bakını Cənubi Qafqazın lideri və regionda sülhün qarantı hesab edən dövlətdə səfərdə olmaqdan məmnun olmasını qeyd edib. Milli Məclisin İctimaiyyətlə əlaqələr şöbəsindən verilən məlumata görə səfər 4 iyul tarixində başa çatacaq.
