MM Mədəniyyət Komitəsinin sədri Q.Paşayeva AYB-nin katibi S.Babullaoğlu, AYB İdarə heyətinin üzvü, Prof.Dr. R.Kamal və Akademik Milli Dram Teatrının Ədəbi Dram Hissəsinin rəhbəri, AYB üzvü Ç.Ələsgərlini yubileyi münasibəti ilə təbrik edib.
RUBİN.AZ xəbər verir ki, Milli Məclisin Mədəniyyət Komitəsinin sədri Qənirə Paşayeva Azərbaycan Yazıçılar Birliyinin (AYB) katibi, şair-tərcüməçi, esseist Səlim Babullaoğlu, AYB İdarə heyətinin üzvü, ədəbiyyatşünas və esseist Prof.Dr. Rüstəm Kamal və Akademik Milli Dram Teatrının Ədəbi Dram Hissəsinin rəhbəri, AYB üzvü Çingiz Ələsgərli ilə görüşüb və onları (müvafiq olaraq 50, 60 və 70 illik) yubileyləri münasibəti ilə təbrik edib. Milli Məclisdə baş tutan görüşdə yubilyarların yaradıcılıq uğurları və planları ilə tanış olan Komitə sədri, onlara yeni yaradıcılıq uğurları diləyib, ürək sözlərini bölüşüb. Q.Paşayeva S.Babullaoğlu, R.Kamal və Ç.Ələsgərliyə Mədəniyyət Komitəsi adından Təbriki məktubu təqdim edib. Məktublarda yaradıcı aydınların həyat və fəaliyyətininin ən ümdə məqamları, ədəbi uğurları vurğulanıb. Yazarlar öz kitablarını imzalayaraq Q.Paşayevaya bağışlayıb. Görüşdə ədəbi-mədəni həyat, tərcümə məsələləri, ədəbi nəşrlər, teatr, dramaturgiya, müəyyən ədəbi layihələr mövzusunda və b. uyğun mövzularda ətraflı fikir mübadiləsi aparılıb.
