23 yanvar 2019-cu il tarixində Azərbaycan Respublikasının Gənclər Fondunun maliyyə dəstəyi və Yeni Azərbaycan Partiyası Binəqədi rayon təşkilatı Gənclər Birliyinin təşkilati dəstəyi ilə “AZFAR GROUP”-un Azadlıq filialında (S.S.Axundov 112) 11-ci qrant müsabiqəsinin qalibi Aslan Aslanovun “Sağlam Yaşam” adlı layihəsinin yarış günü və bağlanış mərasimi keçirilmişdir. “Rubin.az” xəbər verir ki,tədbiri giriş sözü ilə açan layihə rəhbəri Aslan Aslanov Azərbaycan Respublikası Gənclər Fonduna gənclərə göstərdiyi dəstək üçün bir daha minnətdarlığını bildirib, layihə çərçivəsində keçirilən tədbirlərin əsas məqsəd və hədəflərindən söz açıb.Sonra iştirakçılar komandalara bölünərək futbol hakiminin müşahidəsi ilə oyuna başlamışlar. Yarışda məktəblilər iştirak etmiş, qalib komandalar kuboklarla mükafatlandırılmış, həmçinin layihədə iştirak edən hər bir məktəbli isə layihədə iştirak etdiyi üçün sertifikatlarla təltif olunmuşdur. Sonda xatirə şəkli çəkdirilmişdir.
About the Author
