Azərbaycanda məktəblərin koronavirus təhlükəsi ilə əlaqədar bağlanıb-bağlanmayacağına münasibət bildirilib.
“Rubin.az” xəbər verir ki, Təhsil Nazirliyinin Mətbuat xidmətinin rəhbəri Cəsarət Valehov mətbuat konfransında deyib ki, bu günlərdə onlara ən çox daxil olan sual da məhz təhsil müəssisələrinin bağlanılması ilə əlaqədardır:
“Hələlik belə bir qərar yoxdur və mövcud vəziyyət saatbasaat analiz olunur, dəyərləndirilir. Belə bir qərar olduğu təqdirdə media məlumatlandırılacaq”.
***
Qeyd edilib ki, 24 fevraldan etibarən Təhsil Nazirliyi ölkə üzrə bütün məktəblərə tibbi profilaktik tədbirlərin görülməsi, dezinfeksiya işlərinin aparılması ilə bağlı təlimat verib.
Bakı daxil olmaqla yüzlərlə məktəblərdə virus əleyhinə tədbirlər görülüb. Kütləvi tədbirlərin miqyası azaldılıb. 7-24 saat fəaliyyət göstərən qərargah yaradılıb.
***
Cəsarət Valehov qeyd edib ki, hələ ki, ölkədə fəaliyyət göstərən ümumtəhsil məktəblərinin bağlanılması ilə bağlı hər hansı qərar qəbul olunmayıb.
O bildirib ki, məsələ ilk gündən diqqət mərkəzindədir. Belə ki, 30 yanvardan etibarən müvafiq işlərin görülməsinə start verilib.
***
C. Valehov məktəblərdə koronavirusla bağlı uşaqlardan sağlamlıq haqqında sənədin istənilməsi ilə bağlı yayılmış məlumatlara da aydınlıq gətirib: “Profilaktik tədbirlər mütəmadi olaraq hər il keçirilir. Ancaq hazırda hər hansı xəstəliyə görə uşaqlardan sağlamlıqla bağlı heç bir sənəd istənilməyib”.
About the Author
