YSK-nın İstanbul seçkilərinin nəticələrinin ləğvi qərarından sonra CHP-nin bələdiyyə rəhbəri seçilmiş namizədi Əkrəm İmamoğlu ilk açıqlamasını verib.
İmamoğlu YSK-nın qərarına sosial şəbəkə vasitəsilə belə münasibət bildirib:
“Gündəm çoxdur. Ramazan ayı mübarək olsun. Bu Ramazan Türkiyəyə xeyir gətirsin. İqtisadi problemlər var. İşsizlik var. Birlikdə öhdəsindən gələcəyik. Mənimlə bağlı qərarı hamı gözləyir. YSK-nın rəsmi açıqlamasını gözləyirəm. Hər anımı bu şəhərin gözəl insanları ilə paylaşacağıma söz vermişdim. Rəsmi açıqlamadan sonra fikirlərimi bildirəcəm. Hər şey daha yaxşı olacaq. Ümidinizi itirməyin. Kimsə səhv edib, pis işlərə qarışacaq, amma biz ümidimizi itirməyəcəyik”.(Qafqazinfo)
