Qaradağ rayonu, Müşfiqabad qəsəbəsində Yeni Həyat və Şirvan küçələrinin kəsişməsindən 10-cu Müşfiqabad küçəsi ilə kəsişməsinə qədər olan hissədə aparılacaq təmir işləri ilə əlaqədar nəqliyyat vasitələrinin hərəkətinə məhdudiyyət tətbiq ediləcək.
Azərbaycan Yerüstü Nəqliyyat Agentliyi bildirir ki, məhdudiyyətə görə 114B, 555 və 557 nömrəli müntəzəm marşrutların hərəkət sxemi müvəqqəti dəyişdiriləcək.
114B marşrutu Müşfiqabad qəsəbəsi istiqamətində H.Z.Tağıyev–Sahil avtomobil yolu, Şirvan küçəsi, Bakı–Şamaxı–Yevlax avtomobil yolu, Yeni qəsəbə (Müşfiqabad) və Yeni Həyat küçəsi üzrə hərəkət edəcək; əks istiqamətdə isə avtobuslar Bakı–Şamaxı–Yevlax avtomobil yolu, Şirvan küçəsi, H.Z.Tağıyev–Sahil və Bakı–Şamaxı–Yevlax avtomobil yolu ilə, daha sonra mövcud sxem üzrə hərəkət edəcəklər.
555 və 557 nömrəli marşrutların Müşfiqabad qəsəbəsi istiqamətində hərəkəti H.Z.Tağıyev–Sahil avtomobil yolu, Yeni qəsəbə (Müşfiqabad), Şirvan küçəsi və Bakı–Şamaxı–Yevlax avtomobil yolu ilə təşkil ediləcək; əks istiqamətdə isə avtobuslar Bakı–Şamaxı–Yevlax avtomobil yolu, Şirvan küçəsi, H.Z.Tağıyev–Sahil avtomobil yolu ilə hərəkət edəcək və sonra mövcud sxemə qayıdacaqlar.
Hər üç marşrutun müvəqqəti son dayanacağı Yeni Həyat küçəsi, giriş 289 ünvanında təyin edilib.
Mənbə: az.trend.az