Abşeron rayonu, Hökməli qəsəbəsində tövlədə yanğın baş verib və Fövqəladə Hallar Nazirliyinin “112” qaynar telefon xəttinə daxil olmuş məlumatla dərhal Dövlət Yanğından Mühafizə Xidmətinin qüvvələri əraziyə cəlb edilib.
Yanğın söndürülüb; ümumi sahəsi 80 kv.m. olan taxta konstruksiyalardan ibarət tövlə və ətrafına yığılmış 14 ton ot bağlamasından 7 tonu yanıb.
Ot bağlamasının qalan hissəsi və yaxınlıqdakı tikililər yanğından mühafizə olunub, hadisə zamanı xəsarət alan olmayıb.
Hadisənin səbəbləri barədə məlumat verilməyib.
Mənbə: az.trend.az