Dənizkənarı Milli Parkın ərazisində Zeytun Festivalının açılışı olub. Festivalda pavilyonlarda müxtəlif istehsalçıların zeytun və zeytun məhsulları təqdim edilir.
Tədbirdə Azərbaycan Prezidentinin köməkçisi Anar Ələkbərov, Dövlət Turizm Agentliyinin sədri Fuad Nağıyev və Dənizkənarı Bulvar İdarəsinin İdarə heyətinin sədri Xanlar Ağalarov pavilyonlarla tanış olublar.
Festivalin əsas məqsədi Azərbaycanın qədim zeytunçuluq ənənələrinin təbliği, yerli istehsalçıların tanıdılması və dəstəklənməsi, eləcə də bu sahədə milli brendin formalaşdırılmasına töhfə verməkdir.
Tədbir Dövlət Turizm Agentliyi və Dənizkənarı Bulvar İdarəsinin dəstəyi ilə keçirilir; festivalı “Absheron Olive Gardens” və “Olivea” zeytun məhsulları sponsor edib.
Festival oktyabrın 25-də də davam edəcək və gün ərzində müxtəlif əyləncə proqramları, estrada ulduzlarının konsertləri təşkil olunur.
Mənbə: az.trend.az