Nigeriyada yeni evlənənlərə toy hədiyyəsi kimi günəş panelləri, akkumulyatorlar və invertorlar verilməsi geniş yayılıb, bu barədə Bloomberg xəbər verib.
Yeni ənənə yanacağın bahalaşması və günəş enerjisi avadanlıqlarının ucuzlaşması fonunda baş verir.
Ölkənin elektrik şəbəkəsinin tələbatı tam ödəmədiyi üçün bir çox sakin elektrik enerjisini özü istehsal etməyə məcbur qalır; buna görə əvvəllər əsasən yanacaqla işləyən generatorlardan istifadə olunub, indi isə günəş enerjisi avadanlıqlarına maraq artır.
Çin istehsalçılarının qiymətləri aşağı salması və istehsal olunan avadanlığın xarici bazarlara çıxarılması bu texnologiyaların daha əlçatan olmasına şərait yaradır.
Bloomberg-in məlumatına görə, 2025-ci ilin sonuna doğru evlərdə quraşdırılmış günəş panellərinin istehsal etdiyi elektrik enerjisinin həcmi milli elektrik şəbəkəsindən verilən enerjinin həcmini ötüb, 2026-cı ildə quraşdırılan panellərin sayı isə 2024 və 2025-ci illərin ümumi göstəricisini keçib.
Mənbə: az.trend.az