Elçin Zahid oğlu Məmmədov Azərbaycan Dövlət Su Ehtiyatları Agentliyinin (ADSEA) tabeliyindəki Regional Su Meliorasiya Qapalı Səhmdar Cəmiyyətinin icraçı direktoru təyin edilib. Bu barədə qurumun Mətbuat xidməti məlumat verib.
Məlumatda bildirilir ki, Regional Su Meliorasiya QSC-nin Müşahidə Şurasının ilk iclasında təşkilati məsələlər müzakirə olunub və icraçı direktorun təyinatı rəsmiləşdirilib.
İclasda Regional Su Melioriya Xidmətinin publik hüquqi şəxsdən QSC-yə çevrilməsi prosedurunun qaydalara uyğun şəkildə icra olunduğu və yeni statusun regionların su təchizatının idarə olunmasında daha effektiv nəticələr verə bilməsi barədə müzakirələr aparılıb.
Qeyd edilib ki, xidmətin keçmiş sədri Zakir Bəybala oğlu Quliyev ADSEA sədrinin əmrinə əsasən Agentlik sədrinin müşaviri təyin olunub.
Mənbə: az.trend.az