Trend-in sorğusuna cavab olaraq “BakuBus” MMC bildirib ki, sentyabrın 23-dən payız mövsümünün başlanması ilə əlaqədar istismarda olan avtobuslarda mövsümi rejimə keçilib və kondisionerlərin soyutma funksiyası dayandırılıb.
Qurum əlavə edib ki, mövsümi rejimə uyğun olaraq avtobuslarda havalandırma sistemlərindən istifadə olunur; havanın nisbətən isti olduğu günlərdə salonun havalandırılması üçün pəncərələrin açılmasından da istifadə edilə bilər.
Hava soyuduqda avtobuslarda isitmə sistemi aktivləşdiriləcək.
“Soyutma və isitmə sistemlərinin mövsümi rejim üzrə aktivləşdirilməsi və dayandırılması mərkəzləşdirilmiş qaydada tənzimlənir və sürücülərin fərdi qərarından asılı deyil”, – məlumatda vurğulanıb.
Mənbə: az.trend.az