Oktyabrın 24-də Yeni Azərbaycan Partiyasının (YAP) Mərkəzi Aparatında YAP Sədrinin müavini – Mərkəzi Aparatın rəhbəri Tahir Budaqov ilə Türkiyənin Zəfər Partiyasının sədrinin müşaviri Hakkı Şafak Ses arasında görüş keçirilib. Hakkı Şafak Ses görüşdə partiya sədri Ümit Özdağın salamlarını çatdırıb və Zəfər Partiyasının YAP ilə əlaqələrin qurulmasında maraqlı olduğunu, nümayəndə heyətinin Bakıya səfərinin nəzərdən keçirilməsini xahiş etdiyini bildirib.
Hakkı Şafak Ses Türkiyənin müəyyən siyasi dairələri tərəfindən Azərbaycana qarşı aparılan kampaniyanın Zəfər Partiyası tərəfindən ciddi narazılıq və narahatlıqla qarşılandığını vurğulayıb. O, Ümit Özdağın Azərbaycanla bağlı mövqeyini dəstəklədiyini və heç bir qüvvənin Azərbaycanın daxili işlərinə qarışmasına haqqı olmadığını bildirdiyini qeyd edib.
Hakkı Şafak Ses YAP-ın mətbuat xidmətinin açıqlamasına istinad edərək, Azərbaycan tərəfindən “arzuolunmaz şəxs” elan edilərək ölkəyə giriş qadağası tətbiq edilən 31 nəfər barədə qərarın Türkiyə xalqının mövqeyini əks etdirmədiyini ifadə edib və Türkiyə-Azərbaycan birliyinə zərər verən hallar barədə hüquqi tədbirlərin görülməsinin tərəfdarı olduğunu söyləyib.
Tahir Budaqov görüşdə salamlarına görə təşəkkür edib və Zəfər Partiyasına dəstəyinə görə minnətdarlığını bildirib. O, görüşdə qeyd olunmuş mövzular və gələcək əməkdaşlıq perspektivlərinin müzakirə edildiyini qeyd edib.
Mənbə: az.trend.az