Azərbaycanın 10 milyonuncu vətəndaşının dünyaya gəlməsi münasibətilə Göyçay rayonunda sisilə şəkildə “Biz 10 milyon olduq” adlı bayram tədbirləri keçirilir.
Bu gün Göyçay rayon İcra Hakimiyyətinin təşkilatçılığı ilə Göyçay Dövlət İdarəetmə Texnologiya Kollecinin və Gənclər mərkəzinin hazırladığı fləşmob nümayiş olunub. Keçirilən fləşmob-a gənclər böyük həvəslə qatılıb.
Göyçay Dövlət İdarəetmə Texnologiya Kollecinin direktoru irşad Abbasov çıxışında müstəqil Azərbaycanın son illər qazandığı uğurlardan danışaraq, ölkə əhalisinin sayının dinamik artmasının sosial sahədə həyata keçirilən tədbirlərin məntiqi nəticəsi olduğu vurğulayıb.
Sonra fləşmob iştirakçılarının tələbə və rayon gənclərinin toplaşdığı mərkəzin qarşısında çıxış edən Göyçay Gənclər Mərkəzinin direktoru Anar Nağıyev gənclərə Azərbaycanın 10 milyonluq ölkələr sırasına daxil olmasından danışıb, bu əlamətdar hadisə münasibətilə tədbir iştirakçılarını təbrik edib.
Daha sonra fləşmob iştirakçısı Davud Tarverdiyev bildirib ki,əhalinin sayının artması ilə əlaqədar Göyçayda belə fləşmob və tədbirlərin keçirilməsi tədqirə layiq haldır.
About the Author
