Türkiyənin energetika və təbii sərvətlər naziri Alparslan Bayraktar Azərbaycan-Türkiyə 5-ci Enerji Forumunun yekunlarına dair çıxışında dünyada enerji ətrafında cəmləşən böhranların beynəlxalq enerji əməkdaşlığını vacib etdiyini bildirib.
Bayraktar qeyd edib ki, son illərdə pandemiya, Rusiya-Ukrayna müharibəsi və Hörmüz böhranı da daxil olmaqla bir sıra böhranlar dünyanı yeni növ böhranlar və münaqişələr məkanına çevirib.
O bildirib ki, belə şəraitdə beynəlxalq əməkdaşlıq, xüsusilə enerji sahəsində etibarlı tərəfdaşlıqlar əvvəlkindən daha böyük əhəmiyyət daşıyır.
Nazir əlavə edib ki, Azərbaycan və Türkiyə arasında enerji sahəsində formalaşmış əməkdaşlıq nümunəvi xarakter daşıyır və Azərbaycan-Türkiyə Enerji Forumu həmin əməkdaşlığın institusional platformasına çevrilib.
Bayraktar qeyd edib ki, iki ölkənin neft və qaz sahəsində əməkdaşlığı davam etsə də, son illərdə bu tərəfdaşlığın elektrik enerjisi və bağlantı layihələri istiqamətində genişləndiyini vurğulayıb.
Mənbə: apa.az
