Dövlət İmtahan Mərkəzi (DİM) bu gün Vəkillər Kollegiyasına üzv olmaq istəyən namizədlər üçün test imtahanı keçirib.
Dövlət İmtahan Mərkəzindən (DİM) “Rubin.az”-a verilən məlumata görə, imtahan saat 10.00-da başlayıb və 3 saat ərzində elektron qaydada keçirilib.
İmtahan kompüterlər vasitəsilə aparılıb. Namizədlər imtahanı bitirdikdən dərhal sonra onlara nəticələri haqqında arayış təqdim olunub.
Xatırladaq ki, imtahanda iştirak etmək üçün 238 namizəd qeydiyyatdan keçib. 2 namizəd imtahana gəlməyib. İmtahanda iştirak edən 236 namizəddən 171 nəfər müsabiqə şərtini ödəyərək – 60 və daha yüksək bal toplayaraq ikinci mərhələyə – müsahibəyə buraxılıb.
About the Author
