İran və ABŞ rəsmiləri arasında İstanbulda keçiriləcək yüksək səviyyəli görüşdə Türkiyə, Qətər, Misir, Səudiyyə Ərəbistanı, Oman və Pakistan xarici işlər nazirləri də iştirak edəcək.
APA xəbər verir ki, bu barədə “The Washington Post” mənbələrə istinadən məlumat yayıb.
Bildirilir ki, Trampın kürəkəni Cared Kuşner də danışıqlarda iştirak edəcək.
Mənbənin məlumatına görə, görüş zamanı əsas diqqət İranın nüvə proqramına yönələcək, bundan sonra isə Vaşinqton tərəfindən irəli sürülmüş digər məsələlərinin həlli üçün “qeyri-adi yolların axtarışı” istiqamətində səylər göstəriləcək.
Qeyd edək ki, “Axios”un yaydığı məlumata görə, İranın xarici işlər naziri Abbas Əraqçi ilə ABŞ prezidentinin Yaxın Şərq üzrə xüsusi nümayəndəsi Stiv Uitkoff arasında İstanbulda görüşün keçirilməsi planlaşdırılır.
