Venesueladan yalnız ABŞ tərəfindən təsdiqlənmiş neft tankerlərinin çıxmasına icazə veriləcək.
APA xəbər verir ki, bunu Ağ Evin mətbuat katibi Karolin Levitt jurnalistlərə açıqlamasında bildirib.
“Yalnız Amerika Birləşmiş Ştatları tərəfindən təsdiqlənmiş neft tankerləri Venesueladan neft daşıyacaq”, – Ağ Ev rəsmisi deyib.
Levitt qeyd edib ki, ABŞ dövlətə mənsubiyyəti olmayan və ya Vaşinqtondan kommersiya fəaliyyəti üçün icazə almayan gəmiləri saxlayacaq.
Ağ Evin mətbuat katibi həmçinin bildirib ki, Venesuelada fəaliyyət göstərən müvəqqəti hakimiyyət ABŞ-la çox fəal əməkdaşlıq edir.
