Martın 11-də Azərbaycan Respublikasının Prezidenti İlham Əliyev və Şimali Makedoniya Respublikasının Prezidenti Qordana Silyanovska-Davkova mətbuata bəyanatlarla çıxış ediblər. Prezident İlham Əliyev respublikamıza ikinci dəfə səfər edən xanımı salamlayaraq bildirib ki, onun COP29-dakı fəal iştirakı və bu konfransa töhfə verməsi çox sevindiricidir və bu dəvətin Xanım Qordana tərəfindən qəbul edilməsinin ikitərəfli münasibətlərin inkişafında böyük rol oynayacağını qeyd edib. Müsbət haldır ki, artıq iki ölkə arasında energetika sahəsində əməkdaşılıq başlayıb. 2025-ci ildə Azərbaycan Makedoniyanı təbii qazla təmin edəcəkdir. Gələcəkdə bunun artırılması da nəzərdə tutulur.
Prezident qeyd etmişdir ki, ölkələr arasında humanitar sahədə də əməkdaşlığa ehtiyac vardır. Nizami Gəncəvi Beynəlxalq Mərkəzində təşkil olunmuş XII Qlobal Forumda Makedoniyanın iştirakı əvəzedilməzdir. Sizin fikirləriniz hamımız üçün çox maraqlı ola bilər.
Daha sonra Prezident Davkova da dəvətə görə təşəkkürünü bildirərək ilk cümhuriyyətin, ilk operanın, ilk filarmoniyanın yaradıldığı bir ölkədə qonaq olması ilə fəxr etdiyini söyləmişdir. Əgər biz qısa bir müddət ərzində ikinci dəfə görüşürüksə, demək bunun yaxşı əsasları vardır. Azərbaycanın gözəlliyini vurğulayan Prezident Davkova turizm sahəsində də əlaqələrin inkişaf etdirilməsinin zəruri olduğunu bildirmiş, səmimi qonaqpərvərliyə görə təşəkkür etmişdir.
Qordana Silyanovska-Davkova çıxışında iki ölkə arasındakı dostluq əlaqələrinin gücləndirilməsinin əhəmiyyətini vurğulayıb. O, ADA universitetində Azərbaycan və Şimali Makedoniya arasında geniş əməkdaşlıq potensialının olduğunu qeyd edərək, xüsusilə təhsil, iqtisadiyyat və mədəni sahələrdə əlaqələrin inkişafına diqqət çəkib. Gənclərlə açıq dialoq aparan dövlət başçısı onların gələcək planları, təhsil imkanları və ikitərəfli münasibətlərin perspektivləri ilə maraqlanıb.
Martın 11-də Azərbaycan Respublikasının Prezidenti İlham Əliyevin Şimali Makedoniya Respublikasının Prezidenti ilə lanç əsnasında geniş tərkibdə görüşü olub.
Eyni gündə Zəfər Parkını ziyarət edən Davkovaya Azərbaycan xalqının Vətən müharibəsində göstərdiyi misilsiz qəhrəmanlığın və qazandığı möhtəşəm tarixi Zəfərin yaddaşlarda yaşadılması, şəhidlərimizin əziz xatirəsinin əbədiləşdirilməsi məqsədilə yaradılmış Zəfər parkı barədə ətraflı məlumat verilib.
Prezidentlərin bu görüşü ölkələr araslndakı siyasi-iqtisadi əlaqələrin, xalqlar arasındakı səmimi münasibətlərin inkişafında təkan olacaq.
Kərəm Mehdiyev
Suraxanı rayonu, N. Rəfiyev adına 104 nömrəli tam orta məktəbin direktoru