İsrail Müdafiə Qüvvələrinin Qəzza zolağının cənubunda, Misirlə sərhəd yaxınlığındakı Rəfah şəhərinə endirdiyi kütləvi zərbələr nəticəsində ölənlərin sayı 100 nəfərə çatıb.
525.az xəbər verir ki, bu barədə Beyrutun “Al Mayadeen” telekanalı məlumat yayıb.
Rafahda yaşayış binalarına və məscidlərə endirilən aviazərbələr nəticəsində 230-dan çox insan yaralanıb. Kanalın məlumatına görə, ölən və yaralananların əksəriyyəti qadın və uşaqlardır.
Qeyd edək ki, bundan əvvəl İsrail Müdafiə Qüvvələri Qəzza zolağının cənubundakı Rəfah şəhərinin Əl-Şəbura məhəlləsindəki hədəflərə zərbələr endirib.
About the Author
