Nəqliyyatı İntellektual İdarəetmə Mərkəzi Bakının bir sıra yollarında tıxac olduğunu bildirib.
Hal-hazırda tıxac müşahidə olunan istiqamətlər arasında Heydər Əliyev prospektinin əsas və köməkçi yolu (mərkəz istiqamətində), Babək prospekti (mərkəz istiqamətində) və 8 Noyabr prospekti (Süleyman Əhmədov küçəsi ilə kəsişmədən mərkəz istiqamətində) göstərilib.
Həmçinin sıxlıq 1-ci Göl kənarı yolunda Ziya Bünyadov prospekti istiqamətində, Bakı–Sumqayıt şosesində “20 Yanvar” metro stansiyası istiqamətində və Tbilisi prospektində “20 Yanvar” metro stansiyasından mərkəz istiqamətində müşahidə olunur.
Ziya Bünyadov prospektinin müxtəlif hissələrində, o cümlədən Müzəffər Nərimanov küçəsi ilə kəsişmədən “20 Yanvar” metro stansiyası istiqamətinə və Əhməd Rəcəbli küçəsi ilə kəsişmədən Atatürk prospekti ilə kəsişməyə qədər sıxlıq qeyd edilib.
Digər sıxlıq müşahidə olunan ünvanlar arasında Alı Mustafayev küçəsi (Ziya Bünyadov prospekti istiqamətində), Üzeyir Hacıbəyli küçəsi (Azadlıq prospekti ilə kəsişməyə qədər) və 28 May–Puşkin–Rəşid Behbudov küçələri arası daxildir.
Mənbə: az.trend.az