İstedadları Tanıyaq və Tanıdaq İB-nin sədri Vüsalə Sadıqova (Qələndərli) və Birliyin fəxri üzvü, gənc yazar Sevindik Nəsiboğlu Millət vəkili, Milli Məclisin Mədəniyyət Komitəsinin sədri Fazil Mustafa ilə görüşüb.
RUBİN.AZ xəbər verir ki, təşkilat sədri mədəniyyət sahəsində gördüyü işlərdən, təşkilatın üzvləri olan istedadlı uşaq və gənclərin uğurlarından və qarşıda görüləcək işlərdən bəhs edib. Təşkilatın fəxri üzvü gənc yazar, 7 kitab müəllifi Sevindik Nəsiboğlu öz uğurlarından danışaraq kitablarını komitə sədrinə təqdim edib.
Millət vəkili Fazil Mustafa təşkilatın fəaliyyətini yüksək qiymətləndirib. Gənc yazarın kitabları ilə maraqlanaraq ona hər zaman uğurlar arzulayıb. Bildirib ki Sevindik kimi gənclər Azərbaycanın fəxridir. Komitə sədri təşkilatın işlərində hər zaman dəstək olacağını qeyd edib.
