Milli Məclisin sədr müavini, Gənclər və idman komitəsinin sədri Adil Əliyev Samux rayonunda şəhid ailəsinin evini təmir etdirib. Samux rayonu Seyidlər kəndindən olan və antiterror əməliyyatları zamanı şəhid olmuş qəhrəmanımızın evinin təmir olunması barədə şəhid anaları vitse-spikerə müraciət ediblər. Daha sonra ezam olunmuş əməkdaşlar tərəfindən evə baxış keçirilmiş və şəhid ailəsinin istəyinə uyğun olaraq ev təmir etdirilməklə, ailəyə təhvil verilmişdir. Qeyd edək ki, şəhid ailələrinin evlə təmin edilməsi istiqamətində dövlət başçısının tapşırıqlarına uyğun olaraq, mütəmadi evlər dövlət tərəfindən verilir.