Millət vəkili Adil Əliyev Binə qəsəbəsində şəhid İman və Bəhrəm Məmmədzadələrin əziz xatirələrinə həsr edilmiş “Zəfərə doğru” idman zalının açılışında iştirak edib. Çıxış edən millət vəkili vurğulayıb ki, ölkəmizin ərazi bütövlüyünün bərpa edilməsi zamanı qəhrəmancasına şəhidlik məqamına ucalmış igid Vətən övladlarının xatirəsinə həsr edilmiş idman zalı gənc nəslin fiziki hazırlığının artırılmasında müstəsna rol oynayacaqdır.
“Ulu Öndər Heydər Əliyev tərəfindən əsası qoyulmuş və Prezident İlham Əliyev tərəfindən uğurla aparılan gənclər və idman siyasəti bu gün öz bəhrəsini verməkdədir. İkinci Qarabağ müharibəsi, “Qisas”, “Antiterror” və başqa hərbi əməliyyatlar zamanı Azərbaycan gəncliyi üzərinə düşən tarixi missiyanın öhdəsindən layiqincə gəldi. Bundan sonra da gənclərimizi vətənpərvər ruhda, milli-mənəvi dəyərlərə bağlı yetişdirməli və onların fiziki hazırlıqlarına xüsusi önəm verməliyik”-deyə Adil Əliyev əlavə edib.
