“İstedadları tanıyaq və tanıdaq” İB-nin bir sıra layihələrində istedadlı gənclərlə görüşlərdə iştirak edən, onların bacarıqlarını izləyən və dəstək olan millət vəkillərimizdən biri də İstedadlı gənclərin dostu Adil Əliyevdir.
Adil Aliyev – Azərbaycan Kikboksinq Federasiyasının prezidenti, Azərbaycan Respublikası Milli Məclisinin deputatı, Milli Məclisin sədr müavinidir. Ölkənin ictimai-siyasi və mədəni həyatında çox böyük işlər görür. İşlərinin nə qədər çox olmasına baxmayaraq Adil Əliyev hər zaman gəncləri narahat edən problemlərlə maraqlanır, onlarla görüşlər keçirir və bu istiqamətdə öz tövsiyə və tapşırıqlarını verir.
Hələ 2019-cu ildə müraciətimiz əsasında bir qrup istedadlı gənclərlə görüş keçirən millət vəkili daha sonra bu görüşlərin davamlı olmasına şərait yaradıb, xeyli sayda imkansız ailənin övladlarına maddi və mənəvi dəstək olub. Bu da yüzlərlə gənc, uşaq və yeniyetmələrdə dövlətə olan sevgini daha da artırmış, özgüvən hissi yaratmış, öz üzərlərində daha çox çalışmağa sövq etmişdir.
Adil müəllimə gənclər adından təşəkkür edirik. İşlərində uğurlar, can sağlığı arzulayırıq.
Qeyd edək ki, “İstedadlı gənclərin dostunu birgə tanıyaq” rublikasında gənclərə dəstəyini əsirgəməyən ziyalılar, millət vəkilləri, sadə vətəndaşlar haqqında məlumatlar paylaşılacaq. Gənclərimizin hər hansı problemini həll edən dəyərli insanlarımızı hamılıqla tanımağa dəyər…
Vüsalə Qələndərli (Sadıqova)
“İstedadları tanıyaq və tanıdaq” İB sədri
