Elm və Təhsil Naziri Emin Əmrullayev gənc istedad, xanəndə Həzrət Əzizli haqda paylaşım edib: “Elm və Təhsil Nazirliyinin birbaşa tabeliyində olan ümumi təhsil müəssisəsinin şagirdi böyük uğura imza atmışdır. Milli Konservatoriyanın tərkibində İncəsənət Gimnaziyasının şagirdi Həzrət Əzizli Heydər Əliyev Fondunun dəstəyi, Mədəniyyət Nazirliyi və Azərbaycan Televiziyasının təşkilatçılığı ilə keçirilən VIII “Muğam” Müsabiqəsinin azyaşlı ifaçılar arasında münsiflər heyətinin yekdil səsverməsi nəticəsində müsabiqənin Şuşada təşkil olunmuş final mərhələsində birinci yerə layiq görülmüşdür. Olduqca çətin və məsuliyyətli müsabiqənin qalibi olmuş Həzrəti təbrik edir, ona incəsənət sahəsində yüksək nailiyyətlər arzulayıram. İncəsənət Gimnaziyasının müəllim heyətinə yorulmaz fəaliyyətlərinə görə təşəkkürümü bildirirəm”.
Qeyd edək ki Həzrət Əzizlinin ustadı tanınmış xanəndə Aytən Məhərrəmovadır. “İstedadları tanıyaq və tanıdaq” İB-nin üzvü olan Həzrət Əzizlini İB-in kollektivi adından təbrik edirik. Cənab Nazirə gənclərə diqqət və qayğısına görə təşəkkür edirik. Aytən müəlliməyə və tələbələrinə bundan sonrakı fəaliyyətlərində də uğurlar diləyirik.
Vüsalə Qələndərli
RUBİN.AZ
About the Author
