Ölkəmizdə səfərdə olan Slovakiya Respublikası Milli Şurasının sədri Boris Kolların başçılıq etdiyi nümayəndə heyəti və Milli Məclisin sədr müavini Adil Əliyev, deputat Anar Məmmədovla birlikdə Füzuli şəhərinə səfər ediblər.
Spikerə və parlamentarilərə Füzuli şəhərində, eləcə də vaxtilə işğal altında qalmış tarixi torpaqlarımızda ermənilər tərəfindən törədilmiş barbarlıq, vandallıq aktları barəsində geniş məlumat veriblər.
Parlamentarilər 30 ilə yaxın müddət ərzində torpaqlarımızda ermənilər tərəfindən həyata keçirilən böyük dağıntıların əyani şahidi olublar.
Qonaqların diqqətinə çatdırılıb ki, torpaqlarımız düşmən işğalından azad edildikdən dərhal sonra Prezident İlham Əliyevin rəhbərliyi ilə Qarabağda geniş abadlıq quruculuq işlərinə başlanılıb, Füzuli aeroportu, Zəfər yolu, eyni zamanda digər infrastruktur obyektlər qısa müddətdə tikilərək istifadəyə verilib.
