Xəbər verdiyimiz kimi, dünən Türkiyənin Afyonkarahisar rayonunun Çayüstü kəndində iki bacı – 20 yaşlı Aysel Şahin və 16 yaşlı Xədicə Şahin evlərində başlarından vurulmuş halda tapılıblar.
Hadisədən sonra qızların atası, anası və 4 qardaşı polis idarəsində ifadə verib.
Evin böyük oğlu 21 yaşlı Bayram Şahin ifadəsi zamanı iyrənc əməllərini etiraf edib. Belə ki, o, 2015-ci ildən etibarən bacılarını cinsi istismara məruz qoyduğunu boynuna alıb.
Məlumata görə, Aysel və Xədicə başlarına gətirilən çirkin əməli 4 il valideynlərindən gizlədiblər. Bu yaxınlarda isə bu barədə ata-analarına dedikləri üçün Bayram Şahin onları qətlə yetirib.
Axtarışlar nəticəsində cinayətdə istifadə edilən silah hadisə yerindən 700 metr aralıda toprağa basdırılmış halda tapılıb.
Bacılar ekspertizadan keçirildikdən sonra Ayselin 5 aylıq hamilə olduğu üzə çıxıb.
Faktla bağlı araşdırmalar davam etdirilir.(Qafqazinfo)
