Təbiəti qorumaq və onun çirkləndirilməsinə qarşı mübarizə aparmaq hər bir insanın mənəvi borcudur. Onu qoruyaraq ziyanvericilərdən təmizləmək həm ümumdövlət işi həm də ümumxalq işidir. İnsanı təbiət yaradıb və öz təbii sərvətlərini səxavətlə onun istifadəsinə verib.
Dünyada yayılan məşhur təmizlik həştəqi olan #Trashtag trendinə Göyçay şəhərindən sonra Şabran şəhərinin dağçıları da qoşularaq aksiya keçirib. Belə ki, həmin rayonun Ağbaş kəndinin müəlliməsi və 11-ci sinif şagirdləri aksiyada iştirak ediblər.
Bunun üçün onlar dağlıq ərazilərə üz tutub.
iştirakçılar ilk öncə tullantılar atılan bir ərazini seçib. Tullantılarla dolu bir məkanın görüntüsünü çəkib,daha sonra həmin yerin təmizliyini təmin ediblər. Təmizlik işləri bitdikdən sonra sözügedən təbiətin yeni foto-şəklini qeydə alıblar.
Aksiya təşəbbüskarı Şamilova Gülayənin sözlərinə görə, təmizlik aksiyasının təşkilində məqsəd insanların bilərəkdən və ya bilməyərəkdən təbiəti korlamaq xoşagəlməz hallardan biridir:
“Düşündük və qərar verdik ki,Şabran rayonunda zibillənmiş bir ərazini təmizləyək və aksiyaya qoşularaq bu həştəqə dəstək olaq biz də həmin aksiyanın təşkilində iştirak etdiyimiz üçün çox sevinirik”
Digər məktəbli dağçı Ayşən bildirib ki, Şabran şəhərinin məktəbləri ilə yanaşı bütün bölgələrin məktəblilərini bu aksiyaya qoşularaq təbiəti qorumağa dəvət edib.
Həqiqətən təbii ərazilərə atılan paketlər, plasmas butulkalar,dəmir qablar və torpaqda gec çürüyən materiallar, torpağın təbii qatına ziyan vurur, onu sıradan çıxardaraq əkililəri və bitkiləri məhv edir.
Sonda aksiya iştirakçıları təmizlik işləri apardıqdan sonra təbiətdə piknik edərək dincəliblər.
Davud Tarverdiyev
About the Author
