ABŞ-ın sabiq müdafiə naziri və Mərkəzi Kəşfiyyat İdarəsinin keçmiş direktoru Leon Panetta “The Guardian” qəzetinə müsahibəsində ABŞ və İran arasında silahlı münaqişənin daha altı aya qədər davam edə biləcəyini deyib.
Panetta bildirib ki, tərəflər ciddi çıxılmaz vəziyyətdədir və müharibəni tez başa çatdırmaq üçün imkanlar məhduddur.
O Donald Tramp administrasiyasının Yaxın Şərqdə daimi hərbi iştiraka cəlb olunmaq ehtimalından ehtiyat edir və bu vəziyyətin İraq və Əfqanıstandakı müharibələrə bənzər nəticələrə gətirə biləcəyini qeyd edib.
Panetta üç variant təqdim edib: hərbi əməliyyatları dayandırmaq; eskalasiyaya getmədən hava zərbələrini davam etdirmək, bu halda münaqişənin uzanmasının mümkün olması; və Hörmüz boğazına nəzarəti ələ keçirməklə İranın əsas üstünlüyünü aradan qaldırmaq.
Panetta-nın fikrincə, bu ssenarilərin hər birinin öz riskləri var və gələcək addımlar münaqişənin müddətinə və nəticəsinə təsir edə bilər.
Mənbə: apa.az
