Quba-Xaçmaz avtomobil yolunda sentyabrın 6-na keçən gecə baş verən yol-nəqliyyat hadisəsində bir nəfər həlak olub, iki nəfər xəsarət alaraq xəstəxanaya yerləşdirilib.
Hadisə saat 00:20 radələrində Quba rayonunun Barlı kəndi yaxınlığında qeydə alınıb. Hadisə zamanı idarə etdiyi “Mercedes” markalı avtomobillə hərəkətdə olan sürücü idarəetməni itirib, avtomobil yol kənarındakı ağaca çırpılıb və aşıb.
Avtomobildə olan sərnişin, 26 yaşlı Sənan Samir oğlu Ramazanov aldığı xəsarətlərdən hadisə yerində vəfat edib. Sürücü, 24 yaşlı Seyfəlmülk Telman oğlu Eldarov və 26 yaşlı Roman Eynulla oğlu Ramazanov müxtəlif dərəcəli bədən xəsarətləri ilə hospitalizasiya olunublar.
Xəsarət alanlardan 2000-ci il təvəllüdlü şəxs ambulator müalicə üçün evə buraxılıb, 2002-ci il təvəllüdlü şəxsin müalicəsi Travmatologiya şöbəsində davam etdirilir və onun vəziyyəti orta ağır qiymətləndirilir.
Faktla bağlı müvafiq orqanlar tərəfindən araşdırma aparılır. APA və TƏBİB-in məlumatlarına əsasən hadisə ilə bağlı rəsmi məlumatlar bildirilib.
Mənbə: apa.az
