The Washington Post-un əldə etdiyi sənədlərə və videogörüntülərə istinadən yazdığına görə Sudan hakimiyyəti xlor partiyalarının bir hissəsini suyun təmizlənməsi məqsədindən uzaqlaşdırmaqla hərbi istifadəyə yönəldə biləcəyi iddia edilir. Nəşr bu iddiaları təqdim olunan sənədlər və videomateriallarla əsaslandırır.
WP-nin məlumatında xlorun müəyyən partiyalarının hərbi bazalara daşındığı, burada döyüş başlıqları üçün istifadə oluna biləcəyi ehtimalının qeyd edildiyi bildirilir. Eyni mənbə ucqar səhrada bombaların sınaqlarının aparıldığı və mümkün hədəflərin siyahısının hazırlandığı iddiasını da nəşr edib.
The Washington Post yazır ki, sənədləri nəşrə Yaxın Şərq ölkələrindən birinin təhlükəsizlik xidmətinin nümayəndəsi təqdim edib və həmin şəxsin materialları Sudandakı mənbədən əldə etdiyi qeyd olunub.
Nəşr eyni zamanda vurğulayır ki, əldə olunan sənədlər Sudan hökumətinin iddia edilən kimyəvi silah ehtiyatları ilə bağlı necə davrandığına və ya bu materialların konkret mövcudluğuna dair qəti nəticə çıxarmağa imkan vermir.
Mənbə: apa.az
